Parto dua. «Rusia floto estu»
«Kaj jam ne vana aperis espero ke estos perfekta floto mara en Rusio».
Antaŭparolo al «Mara regularo»
Kiras', mantel'! Ni iras jam post hor'.
Kaj korn'! Kaj estu pura la pistol' —
Ĝi ne perfidu en batala bol'...
Por sturm' laŭ l' mano estu la ponard'...
Kaj nin sciigu la kanon-signal'
Ke venis nia tempo por batal'...
Kaj korn'! Kaj estu pura la pistol' —
Ĝi ne perfidu en batala bol'...
Por sturm' laŭ l' mano estu la ponard'...
Kaj nin sciigu la kanon-signal'
Ke venis nia tempo por batal'...
Byron
Ĉar radiko de ĉiu malbono estas monavido, pro tio ĉiu komandanto devas gardi sin de maljusta profito... kaj tia komandanto, kiu havas multan lukson, ne multe pli bona ol perfidulo opiniata povas esti.
Petro la Unua
Ĉapitro unua
1. Denove en Arĥangelsko
Pasis kelkaj jaroj.
En la lastaj tagoj de decembro de la jaro 1700, en malvarma, frosta nokto ĉe la pordego de la domo de la vojevodo arĥangelska kaj ĥolmogora princo Alekseo Petroviĉ Prozorovskij, kiu anstataŭis Apraksin-on, haltis leda kaleŝo, jungita